"إضحك معنا" أدخل ولن تندم

1)قالك واحد كان قاعد في القهوة ناض قالهم اللي يخاف مرتو يولي اللور قاع ناضو غير واحد قالولو نتا ماتخافش من مرتك قالهم قالتلي اقعد في القهوة ما تتحركش.
2)سأل الأمريكي الجزائري ماهو حلمك الذي تنوي تحقيقه في الحياة ؟ الجزائري أن يكون لدي عمل وأتزوج وأكسب منزلا وأعيش حياة كريمة.الأمريكي أنا أسألك عن أحلامك وطموحاتك وليس عن حقوقك.
3)واحد مزطول شاف مرتو مع راجل..عطاها كف وقالها اليوم الرجال وغدوا الدخان.
4)كيما دير متسلكش في الجزائر
تلبس مخلوع
ما تلبسش طلاب
عاقل حابس
طاير ماشي متربي
غني درتها بالحرام
قاري إلي قرا قرا بكري
بطال حيطيست
حدك حد روحك متكبر
تحكي مع الناس الكل مشتاق معريفة
5)واحد فاز بمليون دولار ..راح يقول لمرته فماتت من الفرحة قال سبحان الله الخير كي يجي يجي ضربة وحدة.
6)قالك واحد عمرو مادخل للسطاد وكي دخل ولا يشوف في السما واحد قالو على من راك تحوس قالو راني نحوس على كلمة"مباشر".
7)جزائري قرر ترك ولادو عند عائلة أمريكية باش يتعلمو انجليزي تركهم سنة وبعدها رجع يديهم دق الباب وسأل where are my children ..ردت الأمريكية راهم في الرود يلعبو مع الدراري.
اتمنى تكون أعجبتكم النكت
لا تنسو تخبروني ماهي الي أعجبتكم كثيييييرا

هههههههههههه