_1)واش تشربو؟
قالك ليك..هذي واحد الشيرة خاطيها الخرجات..تصاحبت مع واحد وليد الحومة ..مشاولواحد القهوة ..جا لعندهم serveur قالهم واش تشربو ؟وليد الحومة قالو pas encore زاد سقسى الشيرة أختي واش تشربي ؟قاتلوpas encore bien glace.
_2)الأستاذ والكسول.
قالك ليك.. هذالأستاذ نتاع الفرنسية سقسى التلاميذ واشن هي النجمة بالفرنسية ؟ واحد التلميذ علرفها بصح حشم أيا قالها لصاحبو الكسول.. ذاك الكسول رفع صبعو وقال للأستاذ ليطوال l'etoile ..تعجب الأستاذ من هداك الكسول وقالو ديرها في جملة مفيدة جاوبو الكسول اللي "طوال" يرجعو اللور واللي قصار يروحو للقدام.
_3)واش يعجبكم في الفرنسية؟
قالك ليك هذا واحد الأستاذ نتاع الفرنسية سقسى التلاميذ واش يعجبكم في الفرنسية؟ واحد قالو expression écriteالثاني قالو expression orale نقز الكسول وقالو ramassez vos affaires.
_4)خطبة.
واحد راح يخطب طفلة قالتلو امها أنا الشرط نتاعي لازم بنتي تكن وحدها قالها وأنا..وين نسكن .
_5)سمينة.
وحدة سمينة بزاف .. راحت عند الطبيب باش يعطيلها الدوا باش تشيان (تضعاف)مدلها باطة كاشيات وقالها كل نهار كولي زوج2حبات ..هي نسات وكلاتهم قاع مرة وحدة..ولعشية جا راجلها للدار وحوس عليها ومالقاهاش ..قالها عيشة..وين راكي ؟قاتلو راني مور البالي.
أتمنى تكون أعجبتكم النكت .
كل واحد يقولي ماهي النكتة لي عجاباتو بزاف.
الرئيسية 
الجمعة مايو 27, 2011 2:24 pm
