بسم الله الرحمن الرحيم
السلام عليكم و رحمة الله
تقبل الله صلاة الجميع بمزيد من الأجر و المغفرة و الثواب ( جمعة مباركة للجميع )
Slt تولموند
ان شاء الله تكونو بخير كى العادة
علابالكم بلى حنا فى منتدانا حكينا على كلش و حوايج بزاف بصح بيناتنا و الحق الافادة ماشى بزاف هذى حقيقة لازم نعترفو بيها
حكينا على الحب ، حكينا على المشاكل فى بلادنا ، ضحكنا و زهينا بزاف و المشرفين صبرو علينا ، عملنا مواضيع تاع هبال ، حكينا على الملتقيات ... الخ
اليوم حبيت نبدل شوية و نكسرو لاروتين تاع المواضيع هاذى
واش رايكم لوكان نتقفو شوية ؟
ايه حوايج فى الفايدة معلومات عامة و ناس بزاف ما يعرفوهمش
و اذا عجبكم الموضوع نعتبرو هذا الجزء الأول و كل مرة نحطلكم جزء
هكذا حتى لوكان تروحو للحصة تاع من سيربح المليون هكذا تقدرو تسلكو راسكم و تجيبو المليون
بصح اذا عجبكم الموضوع صح و استفدتو منو نسحق تقييم
هيا احكمو بلايصكم و افتحو وذانيكم مليح :
1- علابالكم بلى الفنانة المرحومة أم كلثوم تزوجت 5 مرات
2 - علابالكم بلى عقوبة السائق السكران فى السلفادور هي الاعدام ( ردو بالكم تروحو سياح للسلفادور و تخبطو و تخرجو تحوسو ترجعولنا فى ساشيات )
3 - علابالكم أكثر حيوان سما فى الكون هو حيوان يقولولو ( قنديل البحر )
4 - علابالكم بلى أطول كلمة فى القرآن الكريم هي ( فأسقيناكموه ) فى سورة الحجر
5 - علابالكم بلى أكثر لغة فيها الحروف هي اللغة ( الكمبودية ) فيها 72 حرف
6 - علابالكم بلى الدكتور غيوتن هو لى اخترع مقصلة الاعدام و هو نفسو لى عدموه بيها
7 - علابالكم بلى الجمل أقوى الحيوانات ذاكرة و الدلفين أذكاها و الديك الرومى أغباها
8 - علابالكم بلى أشجار الزيتون تعيش أكثر من 400 سنة
9 - علابالكم بلى ( البيسو ) هي العملة تاع الأرجنتين و الشيلى و المكسيك و كولمبيا و الأوروغواي
10 - علابالكم بلى أكسوم و المغرب الأوسط اسمان أطلقا على الجزائر
11 - علابالكم بلى فى كل 7 ديسمبر من كل عام يتساوى طول الليل و النهار
12 - علابالكم بلى الصور القرآنية الآتية ( العصر _ قريش _ الفلق ) هي الوحيدة لى ما فيهاش حرف الكاف
13 - علابالكم بلى زواج المقت فى الجاهلية معناه الراجل يتزوج مرت باباه كيف يموت
14 - من رؤساء الولايات المتحد الامريكية لى ماتو اغتيال ( لينكولن - غارفيلد - ماكينلى - جون كينيدى )
15 - الدولة الوحيد التى لم تستعمر هي ليبيريا
16 - علابالكم بلى الأسد عندو 1500 اسم فى اللغة العربية
17 - الهيتومتر هو جهاز يقيسو بيه كمية الأمطار و الأنيمومتر هو لى يقيسو بيه سرعة الرياح
18 - الاسم الحقيقى للملاكم محمد على كلاي هو كاسيوس مارسيلوس كلاي
19 - أول من وضعت صورته على النقود هو الاسكندر المقدونى
20 - أقدم و أقصر نشيد وطنى هو نشيد اليابان
21 - أنذر فصيلة دم فى العالم هي الـ Oh و هاذى نلقاوها غير عند 3 أشخاص
22 - شهر رمضان الكريم ذكر غير مرة وحدة فى القرآن الكريم و ذلك فى سورة البقرة
23 - علابالكم بلى الزعيم الكوبى فيدل كاسترو تعرض لـ 637 محاولة اغتيال فى فترة الحكم تاعو
24 - علابالكم بلى الفيل كى يموت و هو واقف يزيد يبقى شحال من ساعة باش يطيح فى الأرض
25 - زئير الأسد تقدر تسمعو من مسافة 8 كلم
26 - النعامة تعيش حتى السن الـ 75 و تقدر تتكاثر حتان يولى فى عمرها 50 سنة
27 - أصغر أبوين فى العالم كان عمرهم 8 و 9 سنوات و كانو عايشين فى الصين سنة 1910
28 كشفت بحوث مخبريه عن أن دخان السجائر يحتوي على أكثر من 200 مادة كيماوية سامة من بينها 43 مادة على الأقل تسبب السرطان
29 - علابالكم بلى حجم الشمس يوازي 330330 مرة مقارنة بحجم الأرض
30 - وضعية عيني الحمار ( حاشاكم ) في رأسه تسمح له برؤية حوافره الأربعة بشكل دائم في آن واحد
31 - تحتوى معدة الإنسان على نحو 35 مليون غدة هضمية
32 - أطول كلمة انجليزية نكتبوها بلا ما نعاودو نفس الحرف هي uncopyrightables فيها 16 حرف
33 - عدد السياح الذين يزورون فرنسا سنوياً يزيد عن 60 مليون سائح
34 - أقوى عضلة في جسم الإنسان هي اللسان
35 - كاين في العالم نحو 2700 لغة مختلفة وينطق بمعظمها في قارة آسيا
36 - أطول عمر يمكن أن تعيشه ذبابة منزلية هو 14 يوما
37 - يستطيع رأس الثعبان أن يلدغ حتى بعد مرور نصف ساعة بعد ما نقطعولو راسو
38 - الأم الأصغر سنا في التاريخ المسجل حتى الآن هي الطفلة البيروفية لينا ميدينا التي وضعت مولوداً عندما كان عمرها 5 سنوات و7 أشهر فقط وكان ذلك في الــعام 1939
39 - الفلفل الحار يحتوي على أعلى نسبة ممكنة من فيتامين «سي» مقارنة بجميع الخضراوات والفواكه الأخرى
40 - إجمالي ثروات أغنى 3 أشخاص في العالم يزيد بكثير على إجمالي الدخل السنوي الذي يحصل عليه 600 مليون شخص من سكان الدول الأكثر فقرا في العالم.
نتمنى تكونو استفدتو من المعلومات
و المرة الجاية ان شاء الله نكملو مع معلومات أخرى فيها افادة و منفعة عليكم
و ما تنساوش التقييم
الرئيسية 
الثلاثاء يونيو 08, 2010 1:11 pm
